सर्व मित्रांना कळविण्यात अत्यंत आनंद होतो की यंदाच्या होळी निमित्त आपणा सर्वांसाठी प्रेमाची एक 'आंबट' भेट म्हणून आम्ही एक कविता सादर करीत आहोत. तथापि सदरील कविता 'फक्त प्रौढांसाठी' या गटात मोडणारी असल्यामुळे (थोडे सभ्यतेच्या हव्यासापोटी आणि थोडे कपिल सिब्बलच्या भीतीपोटी) आम्ही ती जाहीरपणे प्रकाशित करू शकत नाही. पण टायटल वाचून एव्हाना चाळवलेली तुमची रसिकता ( आंबटशौकीनपणा ) भंग पावू नये म्हणून आम्ही त्यावर एक तोडगाही काढला आहे. सर्व इच्छुकांनी आपआपला ई-मेल आयडी ह्या पोस्टखालील कॉमेंट मधे द्यावा. कविता तात्काळ आपल्या 'इन-बॉक्स' मधे पोचती केली जाईल. इच्छुकांमध्ये आमच्यापेक्षाही कुणी लोकलज्जेला घाबरणारे असतील तर त्यांनी गुपचूप आपला ई-मेल आयडी आम्हास मेसेज करावा. "आपली प्रतिष्ठा हीच आमची प्रतिष्ठा" असे मानून आम्ही आपली माहिती गोपनीय ठेवू. पामराच्या कवितेमुळे होळीच्या आपल्या आनंदात तिळभर का होईना भर पडावी 'तेवढी माझी कमाई'!
आपण सर्वांना हुताशनी पौर्णिमेच्या हार्दिक शुभेच्छा!
आपलाच - फकीरा.
